Испаниянинг Маrcа нашри хабарига кўра, ҳужумчи Карим Бензема ва ҳимоячи Ферланд Менди ҳали жароҳатларидан фориғ бўлишмаган.
«Қироллик клуби» Испания чемпионати доирасидаги «Сельта»га қарши ўйинга ҳозирлик кўрмоқда, бироқ бу икки француз якка тартибда шуғулланяпти. Шу боис уларнинг шанба кунги учрашувдаги иштироки сўроқ остида.
Маълумот ўрнида, Бензема Ла Лига доирасидаги 25 ўйинда майдонга тушиб, 22 гол ва 11 асистни ўз ҳисобига ёздириб қўйган. Менди эса «Реал»нинг Испания чемпионатидаги 18 та ўйинида майдонга тушиб, 1 гол ва 1 асистни қайд этган.