Польша терма жамоаси бош мураббийи Чеслав Михневич жаҳон чемпионатида иштирок этиш ҳуқуқи учун ўтказилган ҳал қилувчи баҳсда Швеция устидан қозонилган ғалабани эмоционал тарзда изоҳлади.

«Ўйиндан кейин майдонни ўпдим. Ҳозир турган жойимга етиб келиш учун қанчалик қийинчиликларни бошдан кечирганимни англаб етдим. Ўсмир ёшидан ўтганимга анча йиллар бўлди. Ҳозир бутун Польша бизни қўллаб-қувватламоқда. Мен ўзимни ривожлантириш учун юзлаб ҳафталар сарфладим. Бу ерда бўлишимга имконият бергани учун Польша ассоциациясига миннатдорчилик билдираман», — деди Чеслав Михневич 90minut.pl расмий сайтига.