«Рома» ярим ҳимоячиси Генрих Мхитарян яқин орада клуб билан шартномасини узайтириши мумкин, деб хабар бермоқда Il Tempo.
Маълумки, арманистонлик футболчи шартномани узайтириш учун маошини икки марта қисқартирилишига рози бўлади. Мхитаряннинг амалдаги шартномаси жорий мавсум охиригача амал қилади.
Ярим ҳимоячи жорий мавсум А Серияда 26 та ўйинда майдонга тушиб, 3 та гол урди ва 5 та голли узатмани амалга оширди.
«Рома» Италия чемпионатида 30 турдан сўнг 51 очко жамғариб, турнир жадвалида бешинчи ўринда бормоқда.
2022 йил март ойи бошида Мхитарян Арманистон терма жамоасидаги фаолиятини якунлаганини эълон қилди.
