«Roma» yarim himoyachisi Genrix Mxitaryan yaqin orada klub bilan shartnomasini uzaytirishi mumkin, deb xabar bermoqda Il Tempo.
Ma’lumki, armanistonlik futbolchi shartnomani uzaytirish uchun maoshini ikki marta qisqartirilishiga rozi bo‘ladi. Mxitaryanning amaldagi shartnomasi joriy mavsum oxirigacha amal qiladi.
Yarim himoyachi joriy mavsum A Seriyada 26 ta o‘yinda maydonga tushib, 3 ta gol urdi va 5 ta golli uzatmani amalga oshirdi.
«Roma» Italiya chempionatida 30 turdan so‘ng 51 ochko jamg‘arib, turnir jadvalida beshinchi o‘rinda bormoqda.
2022 yil mart oyi boshida Mxitaryan Armaniston terma jamoasidagi faoliyatini yakunlaganini e’lon qildi.
