«Манчестер Юнайтед» норасмий тарзда «Аякс» бош мураббийи Эрик тен Хаг ҳақида маълумот йиғмоқда.
Sky Sport тарқатган хабарга кўра, инглиз клубини биринчи навбатда «Аякс» умид қилаётган товон пули қизиқтиради.
Аввалроқ «Манчестер Юнайтед» раҳбарлари тен Хаг билан суҳбат ўтказган эди. Улар 52 ёшли нидерландиялик мутахассиснинг савиясидан қониқиш ҳосил қилишди, аммо уни бош мураббийликка тайинлашда бошқа кўплаб омиллар ҳисобга олинади.
Ҳозир клубга Ральф Рангник бошчилик қилмоқда. Мавсум якунида у инглиз клуби таркибидаги ўринлардан бирини эгаллайди.