УЕФА ЕЧЛ финалига чиыыан жамоалар таркибида дисквалификацияга учраган футболчилар борасида енгиллик берилмаслигини билдирди. 

Финалга "Челси" ва "Бавария" йўл олгач, ҳамда ҳар икки жамоа таркибида бир қатор футболчилар ўйинни ўтказиб юбориши маълум бўлгач, футбол оммасида бу қоидага ўзгариш киритиш ҳақидаги гап сўзлар авж олганди. Бундай фтуболчилар ҳар икки жамоада ҳам кўп бўлгач, ҳар икки жамоадан футболчиларнинг жазосини бекор қилиш борасида баёнотлар қилгандилар. Аммо ташкилот белгиланган қоидалар турнир давомида ўзгартирилмаслигини қатъий таъкидлади. 

Бугун эса, халқаро профессионал футболчилар профсоюзи ҳам ушбу масала юзасидан эътироз билдирганди. Эслатиб ўтамиз, "Челси"дан Иванович, Мейрелеш, Рамирес, немислардан эса Густаво, Алаба, Бадштубер каби фтуболчилар ярим финалда иккинчи сариқ карточкаларини олишган. Шунингдек, майдондан четлатилган "Челси" ҳимоячиси Жон Терри ҳам финални ўтказиб юборади.