Франциянинг «ПСЖ» клуби «Челси» ярим ҳимоячиси Н'Голо Кантени ўз сафига қўшиб олмоқчи.

Сўнгги кунларида парижликлар раҳбарияти футболчини ўз сафларига қўшиб олиш учун у билан музокара олиб боришмоқчи бўлишганди. Бироқ 31 ёшли франциялик футболчи "ПСЖ" билан музокара қилишдан бош тортди, деб хабар бермоқда Le Parisien нашри.

Кантенинг «Челси» билан шартномаси 2023 йилнинг ёзига қадар мўлжалланган. У ҳозирча Лондон клубини тарк этиш ниятида эмас.

Ярим ҳимоячи жорий мавсумда «кўклар» сафида барча турнирлар доирасида 31 та ўйинда майдонга тушиб, 2 та гол урди ва 4 та голли узатмани амалга оширди.

Transfermarkt портали Кантенинг нархини 50 миллион еврога баҳоламоқда.