"Болонья"нинг чап қанот ҳимоячиси Аарон Хики фаолиятини АПЛда давом эттириши мумкин.
19 ёшли шотландиялик футболчига "Ньюкасл" қизиқмоқда, дея хабар берди журналист Фабрицио Романо.
Манбага кўра, Хикининг трансфери 18-24 миллион еврога баҳоланмоқда, аммо бу сумма инглиз клуби учун муаммо бўлмайди. Шунингдек, ҳимоячини ҳозирда бошқа жамоалар ҳам кузатмоқда.
Жорий мавсумда Хики Европанинг топ-5 лигасида 20 ёшгача бўлган ўйинчилар орасида майдонда энг кўп дақиқа ўтказган футболчи ҳисобланади.
У А Сериядаги 27 та ўйинда 4 та гол ва 1 та голли узатмани амалга оширган.
