"Милан" ёзги трансфер ойнасида "Реал" вингери Марко Асенсио билан шартнома имзолашни режалаштираётганди. Бироқ, Италия клуби футболчининг маош талаблари туфайли келишувни якунлай олмайди. Бу ҳақда Tuttosport нашри хабар бермоқда.
26 ёшли Асенсио ёзги трансфер ойнасида испан жамоасини мунтазам ўйин амалиётига эга бўлмагани учун тарк этиши мумкин.
"Милан" футболчини ўз сафига қўшиб олишни режалаштирганди, бироқ унинг маоши мавсумига 5,5 миллион евро бўлганлиги сабабли "россонерилар" бу трансферни амалга ошира олмайди.
Жорий мавсумда Асенсио барча мусобақаларда 33 та ўйинда 10 та гол урди ва битта голли узатмани амалга оширди. Асенсио ва "Реал" ўртасидаги келишув 2023 йилда якунига этади.
