Foot Mercato нашрининг хабарига кўра, «Бетис» Франциянинг «Анже» клубини 18 ёшли ҳужумчиси Муҳаммад Али-Чо билан шартнома имзоламоқчи.

Унинг жорий мавсумда кўрсатган ўйинлари Европанинг кўплаб клублари томонидан юқори баҳоланади. Январь ойида Дортмунднинг «Боруссия» клуби Чо билан музокараларни бошлаганди, лекин "Анже" ўз футболчисини 40 миллион еврога сотмоқчи бўлди. «Челси» ва «Атлетико» ҳам вазиятни кузатиб боришмоқда.

Футболчининг шартномаси 2023 йилда тугайди, шунинг учун "Бетис" футболчини арзонроқ нархда сотиб олишига ишонмоқда. Испания клуби футболчининг атрофидагилар билан мумкин бўлган келишув ҳақида боғланган, бироқ ҳозирча расмий маълумот йўқ.

Жорий мавсумда футболчи Лига 1да 24 та ўйин ўтказиб, 2 та гол урган.