«Шахтёр» ҳимоячиси Винисиус Тобиас «Реал»га ижара асосида ўтади, деб хабар беради АS. «Қаймоқранглилар» футболчини жорий мавсум охиригача ижарага олди.
Манбага кўра, «қироллик клуби» 18 ёшли бразилияликнинг ижараси учун 2 миллион евро тўлайди. «Қаймоқранглилар» футболчини 18 миллионга сотиб олиш имкониятига эга бўлади.
Тобиас шу йилнинг январь ойида «Интернасионал»дан «Шахтёр»га ўтган ва Донецк клуби сафида бирорта ҳам расмий ўйин ўтказишга улгурмаганди. Футболчи донецкликларга 6 миллион еврога тушганди.
