«Барселона» Дортмунднинг «Боруссия» клуби ҳужумчиси Эрлинг Холанд учун сўнгги таклифни юборди. Бу ҳақда Diario Sport хабар тарқатмоқда.
Норвегиялик ҳужумчи маълум вақтдан бери Каталония клубининг биринчи рақамли нишони бўлиб келмоқда. Унга «Реал» ва «Манчестер Сити» ҳам қизиқиш билдирмоқда.
Аввалроқ, «Барселона» футболчи учун курашдан чиқиб кетгани ҳақида хабар берилганди, бироқ испан ОАВлари клуб бошқа таклиф билан чиққани ҳақида хабар бермоқда.
«Барселона» унга беш мавсум давомида 190 миллион евролик таклиф билан чиқди ва унинг товон пули учун 75 миллион евро тўлашга тайёр эканлигини билдирди.
Жоан Лапорта шахсан музокара олиб борди ва якуний таклифни берди. Лапорта «Барселона»нинг таклифи «Реал» ва «Манчестер Сити»никидан ҳам ёмонроқ эканини билади, лекин Холанд Хави билан таниқли клубда ишлашга жалб қилиш кучли туртки бўлишига умид қилмоқда.
