Халқаро футбол федерацияси (ФИФА) 2022 йилги жаҳон чемпионатини ўтказиш орқали рекорд даражадаги даромад – 7 миллиард доллар фойда кўришини тахмин қилмоқда.
Бу ҳақда ФИФА конгрессида ташкилот президенти айтиб ўтди, деб хабар тарқатмоқда The Straits Times.
Коронавирус пандемиясига қарамай, бошқарув кенгаши телевидение, ҳомийлик ва маркетинг даромадларининг ўсишини кузатмоқда, томошабинлар кўпроқ телевизор кўришади ва бошқа янги платформалардан фойдаланишади. ФИФА ўз ҳисоботларида 18 декабрь куни бўлиб ўтадиган Жаҳон чемпионати финалида трансляция ҳуқуқлари янги рекорд ўрнатишини кутаётганини айтди.
Даромаднинг катта қисми Жаҳон чемпионати йилидаги ФИФА ҳисобларига тушади. Жаҳон чемпионатини Қатарда ўтказиш бўйича баҳс-мунозараларга қарамай, Россиядаги сўнгги Жаҳон чемпионатидан сўнг даромадлар кескин ошди.
