«Барселона» ва «ПСЖ»нинг собиқ футболчиси Роналдиньо «Реал» жамоасига ўтиши кутилаётган парижликларнинг ҳужумчиси Киллиан Мбаппе атрофидаги миш-мишларга изоҳ берди.
"Менимча, Мбаппе "ПСЖ"да қолади. У ёлғиз ўзи кўп нарсага эриша олади, лекин Неймар ва Месси билан биргаликда - бундан ҳам кўпроқ нарсаларни қўлга киритади”, - деди бразилиялик футболчи Le Parisien билан суҳбатда.
Эслатиб ўтамиз, аввалроқ «ПСЖ» Мбаппега ҳафтасига бир миллион евродан кўпроқ маош оладиган рекорд даражадаги шартнома таклиф қилган эди. Футболчининг онаси уни қолишга кўндирмоқда, бироқ Мбаппенинг ўзи ҳали якуний қарорга келгани йўқ.
