Валенсияда ўтган Европа лигасининг ярим финали жавоб учрашувида "Месталья" стадиолнида маҳаллий "Валенсия" клуби Мадриднинг "Атлетико" клубини қабул қилди. Гарчи биринчи учрашувда 2:4 ҳисобида ютқазган мезбон жамоа учрашувда катта ташаббусга эга бўлган бўлса-да, иккинчи ўйинни ҳам бой берди.
60-дақиқада "Атлетико" натижага олиб келган қарши ҳужумни уюштирди: Диего Адрианга чиройли пас билан тўпни узатди, уни эса Матьё ёпишга улгурмади. Адриан тўпни кўкрагига қабул қилиб, иккинчи уринишда мезбонлар дарвозасининг узоқ бурчагини нишонга олди – 0:1.
Шундан сўнг мезбонларнинг финалга чиқиш имкониятлари жуда хира тортди ва секин-аста "кўршапалаклар" ўткир вазиятлар яратишдан тийила бошлашди, гарчи биринчи бўлимда Куртуа дарвозаси яқини "қайноқ нуқта"н эслатиб турган бўлса-да. 79-дақиқада меҳмонлар 10 киши бўлиб қолишди: Сольдадога шапалоқ тортиб юборгани учун Тьягу Мендеш майдондан ҳайдалди – бироқ бу ҳисобда ўз аксини топмади – меҳмонлар қарама-қаршиликнинг ғалаба билан якунланишини таъминлашди.
ЕВРОПА ЛИГАСИ. 1/2 ФИНАЛ. ЖАВОБ УЧРАШУВИ
ВАЛЕНСИЯ (Валенсия, Испания) – АТЛЕТИКО (Мадрид, Испания) 0:1 (0:0)
Гол: Адриан Лопес (60)
Огоҳлантиришлар: Альба (79); Сольдадо (79); Адурис (86) – Куртуа (36).
Четлатиш: Мендеш (79) – "Атлетико".
Дастлабки учрашув – 2:4.
