"Манчестер Сити" Дортмунднинг "Боруссия" клуби ҳужумчиси Эрлинг Холанд учун курашда "Реал Мадрид"ни мағлуб қилишига ишонмоқда, дея хабар берди ESPN.
Манбанинг хабарига кўра, Манчестер клуби футболчини шартномасида кўрсатилган 75 миллион еврога сотиб олиш вариантини фаоллаштира олишига, шунингдек, футболчининг маоши ва унинг агентига қўшимча тўловларни қилишга ишончи комил.
Хабарларга кўра, Анхелиньо, Ферран Торрес ва Жек Харрисоннинг сотилиши (жами 85 миллион евро атрофида) ёзги трансферлар ойнаси олдидан "Манчестер Сити"ни яхши молиявий ҳолатга келтирган.
Клуб, шунингдек, Хосеп Гвардиола ҳам Холанднинг келажагига таъсир ўтказа олади деб ҳисобламоқда.
