Ёшлар Биринчилиги 6-туридан ўрин олган яна бир учрашув бўлиб ўтди.
26 апрель куни Ёшлар Биринчилиги 6-туридан ўрин олган Тошкентнинг икки жамоаси – «Локомотив» ва «Пахтакор» ёшлари ўртасидаги учрашув бўлиб ўтди. Унда 2:2 ҳисобидаги дуранг натижа қайд этилди.
«Локомотив" дарвозасини бурчакдан оширилган тўпдан кейин Алишер Азизов очди. Бундан аввалроқ Муҳиддинов пенальтидан фойдалана олмаганди. Шундан кейин мезбонларнинг хавфли ҳужуми гол билан тугади. Гурьянов ҳисобни тенглаштирган голга муаллифлик қилди. Иккинчи бўлим ҳар икки жамоанинг кескин ҳужумлари остида кечди. Дастлаб мезбонлар ҳисобда олдинга ўтган бўлсалар, ўйин якунланишии арафасида Азизов ўзининг аниқ зарбаси билан ёшларимизга бир очко келтирди», - деб ёзади ўйин ҳақида «Пахтакор» расмий сайти.
Турнинг дастлабки икки учрашуви 25 апрель куни бўлиб ўтган эди. 27 апрель куни «Қизилқум» – «Динамо» (бошланиш вақти – 16:30), «Шўртан» – «Олмалиқ» (17:15) ва «Навбаҳор» – «Бухоро» (16:30) учрашувлари бўлиб ўтса, турнинг сўнгги – «Андижон» – «Нефтчи» (16:00) баҳси 28 апрель, шанба куни ўтказилади.
Ёшлар Биринчилиги, 6-тур
26 апрель, пайшанба
«ЛОКОМОТИВ» (Тошкент) – «ПАХТАКОР» (Тошкент) 2:2 (1:1)
Ҳакамлар: Р. Толибжонов (Фарғона), Т. Гайнулин, Р. Нугманов, В. Нажафалиев.
Назоратчи: Р. Айтеков (Тошкент).
Голлар: Н. Гурьянов (32), С. Маҳмудов (53) – А. Азизов (19, 80).
12-дақиқада О. Муҳитдинов («Пахтакор») пенальтидан фойдалана олмади.
Огоҳлантиришлар: С. Усмонхўжаев (59), К. Абрамов (74), А. Нўъмонов (90) – Н. Одилов (30), Ф. Шотурсунов (38), Н. Одилов (67), А. Клецков (85).
Четлатиш: Н. Одилов (иккинчи огоҳлантириш, 67).
427 томошабин.
