"Арсенал" "Бенфика" ҳужумчиси Дарвин Нуньесни қўлга кирита олмаса, "Ювентус" ҳужумчиси Пауло Дибалани сотиб олиш имкониятини кўриб чиқиши мумкин. Бу ҳақда Tuttosport нашри хабар бермоқда.
Манбага кўра, ёзги трансфер ойнасида "Арсенал"нинг устувор мақсади - Дарвин Нуньес, аммо португал клуби "Бенфика" ўз футболчиси учун тахминан 80 миллион евро сўрамоқда. "Канонирлар" эса бунча маблағ тўламоқчи эмас.
Дибала "Ювентус" билан шартнома муддати тугаши сабабли ёзда эркин агентга айланади.
Маълум бўлишича, 28 ёшли аргентиналик ҳужумчи хизматларига "Челси", "Интер" ва "Атлетико Мадрид" клублари ҳам қизиқиш билдирмоқда.
