«Ливерпуль» раҳбарияти ёзда таркибни кучайиштириш вариантларини излашда давом этмоқда. Шу билан бирга улар Муҳаммад Салоҳни қўйиб юборишни режалаштирмаяпти. Diario Sport нашрининг хабар беришича, «қизиллар» мисрлик футболчини сотмоқчи эмас.
Салоҳнинг «Ливерпуль» билан шартномаси 2023 йилнинг ёзида якунига етади. Томонлар янги келишув бўйича ҳалигача келиша олишмади. "Қизиллар" футболчини маош борасидаги талабларини қондира олишмаяпти.
«ПСЖ» ва «Барселона» воқеалар ривожини кузатиб бормоқда ва футболчи бошқа клублар таклифларини кўриб чиқишга қарши эмас.
Қайд этилишича, «Ливерпуль» Салоҳни шу йилнинг ёзида сотилганидан кўра, бир йилдан кейин текинга қўйиб юборишни афзал кўрмоқда. Чунки, мисрлик ҳужумчи Клоппнинг режаларининг бир қисми саналади.
