«Ливерпуль» бош мураббийи Юрген Клопп «Уотфорд»га қарши уй учрашувидан олдинги матбуот анжуманида жамоа футболчиси Трент-Александер Арнольд умумий гуруҳдаги машғулотларга қайтганини тасдиқлади.
“Трент кеча алоҳида машғулот ўтказди, аммо бугун у гуруҳ билан машғулотларни бошлади. Балки унинг майдонга тушишига ҳали эртадир. Келинг, нима бўлишини кўрамиз», - деди Клопп матбуот анжуманида.
Эслатиб ўтамиз, шанба куни «Ливерпуль» АПЛ доирасида «Уотфорд»ни қабул қилади. Айни пайтда "мерсисайдликлар" турнир жадвалида пешқадам «Манчестер Сити»дан бир очко ортда қолмоқда.