"Наполи" бош мураббийи Лучиано Спалетти Италия терма жамоаси ЖЧ-2022га чиқа олмагани ҳақида гапирди.
"Одамларнинг хотиралари жуда қисқа. Бу жуда аламли мағлубият, аммо яқин вақтгача Манчини ва унинг шогирдларини қўлларида кўтарилиб юришарди. Биз уларнинг еврода қилган ишларини қадрсизлантира олмаймиз. Бу афсонавий чиқиш эди.
Бизнинг муаммоларимиз анча чуқурроқдир. Ўйлайманки, футболимиз раҳбариятидаги одамлар мувозанатли ва адекват қарорлар қабул қиладилар", - деди Спаллетти.