19 ёшгача бўлган қизлар ўртасидаги Осиё чемпионати саралаш босқичи шу йилнинг 20 октябрь куни Малайзиянинг Куала-Лумпур шаҳрида старт олади. Биринчи босқичнинг «А» гуруҳидан жой олган Ольга Ким мураббийлигидаги Ўзбекистон терма жамоаси унда Ҳиндистон, Қирғизистон ва Бангладеш мамлакатларига қарши кураш олиб боради.
Иштирокчи тўрт мамлакатдан бирортаси саралаш турнирига мезбонлик қилиш таклифи билан чиқмагач, ОФК қарорига кўра турнир Куала-Лумпурда бўлиб ўтади. Унга бош мураббий Ольга Ким 23 нафар футболчини рўйхатдан ўтказиши мумкин. Шунингдек, яна 8 нафар расмий шахс Малайзияга сафар этади.
Қуйида турнир тақвими билан танишиб олишингиз мумкин:
20 октябрь. 1-тур.
Ҳиндистон – Бангладеш
Ўзбекистон – Қирғизистон
22 октябрь. 2-тур.
Бангладеш – Ўзбекистон
Қирғизистон – Ҳиндистон
24 октябрь. 3-тур.
Ҳиндистон – Ўзбекистон
Қирғизистон – Бангладеш
