«Интер» ва «Торино» ёзги трансфер ойнасида футболчи алмашиши мумкин.
"Нерадзуррилар" анчадан бери "Торино"нинг марказий ҳимоячиси Бремерни сотиб олиш устида ишламоқда. Tuttosport нашри хабарига кўра, «Интер» 24 ёшли чап қанот ҳимоячиси Федерико Димаркони Бремерга алмаштириш имкониятини кўриб чиқмоқда.
Димарко «Интер» бош мураббийи Симоне Инзагининг режаларига киритилмаган, шунинг учун клуб 25 ёшли бразилияликни қўлга киритиш учун футболчини қўйиб юборишга тайёр. Бремерга «Наполи», «Ювентус», «Бавария» ва АПЛ клублари ҳам даъвогарлик қилмоқда.
