Франциянинг «Лилль» клуби марказий ярим ҳимоячиси Ренату Санчесга Италиянинг «Ювентус» ва «Милан» жамоалари қизиқиш билдирмоқда. Бу ҳақда Calciomercato нашри хабар тарқатмоқда.
"Лилль" шартномаси 2023 йилнинг ёзига қадар мўлжалланган 24 ёшли португалиялик футболчини 30 миллион еврога сотишга тайёр ва таъкидланишича, «россонерилар» аллақачон франция клуби раҳбарияти билан музокарага киришган.
Лекин, "Ювентус" ҳам португалиялик футболчини сотиб олиш учун "Лилль" раҳбариятига расмий сўровнома юборишни режалаштирмоқда.