"Арсенал" ҳужумчиси Александр Ляказетт катта эҳтимол билан мавсум охирида эркин агентга айланади.
Франциялик футболчининг шартномаси шу ёзда тугайди ва томонлар ҳозиргача уни узайтириш борасида келишиб олишмаган. Бу ҳақда Sport.es нашри хабар бермоқда.
Манбага кўра, 30 ёшли Ляказетт билан шартнома имзолаш учун икки жамоа асосий даъвогарлар деб қаралмоқда.
Булар: "Лион" ва "Барселона".
Қайд этиш жоиз, Ляказетт жорий мавсумда барча мусобақаларда 29 та ўйинда 6 та гол урди ва 8 та голли узатмани амалга оширди.
