"Бавария" ҳужумчиси Роберт Левановски "Барселона"га ўтишга интилмоқда, деб хабар беради Sport.es.

33 ёшли польяк ўз атрофидагиларга ёзда каталонияликлар билан шартнома имзолашга тайёрлигини ва бунинг учун қўлидан келган барча ишни қилишини айтган.

Польякнинг "Бавария" билан шартномаси 2023 йилнинг ёзига қадар амал қилади ва клуб у билан ҳамкорликни давом эттириш борасида келишиб олишга умид қилмоқда. Шунга қарамай мюнхенликлар ҳали Левандовски билан музокараларни бошламаган.

Қайд этилишича, йилига 25 миллион еврога яқин маош оладиган ҳужумчининг айнан маоши янги келишувга эришишда асосий тўсиқ бўлиб қолмоқда.

Жорий мавсумда Левандовски “Бавария” сафида барча мусобақалар доирасида 37 та ўйинда 45 та гол урди ва 4 та голли узатмани амалга оширди.