"Арсенал" ёзда "Наполи" ҳужумчиси Виктор Осимхенни сотиб олмоқчи, дея хабар беради Football Italia.
"Канонирлар" бош мураббийи Микель Артета жамоасига ҳужумчи етишмаяпти деб ҳисобламоқда. Шу сабабли, раҳбарият яхши савиядаги форвард билан шартнома имзоламоқчи.
Осимхеннинг "Наполи" билан шартномаси 2025 йилнинг июнигача мўлжалланган. Неаполликлар футболчини йўқотишни истамаяпти ва унга маошини оширган ҳолда янги шартнома таклиф қилишлари мумкин.
Жорий мавсумда ҳужумчи барча турнирларда 25 та ўйин ўтказиб, 15 та гол ва 4 та голли узатмани амалга оширган.
Январь ойида неаполликлар "Нюкасл"га футболчини 70 миллион еврога сотишдан бош тортган эди.
