“Наполи” “Динамо Батуми” ярим ҳимоячиси Хвича Кварацхелияни сотиб олмоқчи. Италия клуби 21 ёшли грузиялик футболчи учун 10 миллион евро тўлашга тайёр, деб хабар беради Calciomercato.

31 март куни “Динамо Батуми” спорт директори Ладо Двалишвили ярим ҳимоячи клуб билан икки йиллик шартнома имзолаганини маълум қилганди.

Кварацхелия жорий мавсумни Россиянинг “Рубин” клубида бошлади. Кейинчалик эса қозонликлар у билан шартномани бекор қилди.

2021/22 йилги мавсумда грузиялик 21 ёшли ярим ҳимоячи “Рубин” сафида 22 та ўйин ўтказиб, 2 та гол урди ва 5 та голли узатмани амалга оширди.