“Napoli” “Dinamo Batumi” yarim himoyachisi Xvicha Kvarasxeliyani sotib olmoqchi. Italiya klubi 21 yoshli gruziyalik futbolchi uchun 10 million yevro to‘lashga tayyor, deb xabar beradi Calciomercato.
31 mart kuni “Dinamo Batumi” sport direktori Lado Dvalishvili yarim himoyachi klub bilan ikki yillik shartnoma imzolaganini ma’lum qilgandi.
Kvarasxeliya joriy mavsumni Rossiyaning “Rubin” klubida boshladi. Keyinchalik esa qozonliklar u bilan shartnomani bekor qildi.
2021/22 yilgi mavsumda gruziyalik 21 yoshli yarim himoyachi “Rubin” safida 22 ta o‘yin o‘tkazib, 2 ta gol urdi va 5 ta golli uzatmani amalga oshirdi.
