"Лестер" ярим ҳимоячиси Юри Тилемансни 25 миллион фунтга сотишга тайёр, дея хабар беради The Telegraph.
Ўтган ойларда "Лестер" Тилеманс билан шартномани узайтириш бўйича музокаралар олиб боришга уринди, бироқ футболчи бунга рози бўлмади.
24 ёшли бельгиялик ярим ҳимоячининг амалдаги шартномаси якунланишига бир йил қолган. "Тулкилар" уни текинга қўйиб юборишдан кўра арзонроқ қийматга бўлса ҳам сотиб юбормоқчи.
2021/22-йилги мавсумда Тиелеманс “Лестер” сафида 35 ўйинда 7 та гол урди ва 3 та голли узатмани амалга оширди.
