Испаниянинг “Сельта” клуби ҳужумчиси Нолито Ла Лиганинг 30-туридан ўрин олган “Реал”га (1:2) қарши ўйиндаги ҳакамлик ҳақида фикр билдирди.
“Ўйлайманки, биз ажойиб ўйин ўтказдик, аммо мағлуб бўлдик. Дурангга лойиқ ўйин кўрсатдик.
Ҳакам бизнинг дарвозамизга учта пенальти белгилади, учинчиси эса шунчаки кулгили эди. Тўғри, ўртамиёна жамоамиз, лекин ҳакамлар ҳурматига лойиқмиз.
Дунёнинг энг зўр жамоалари қаторидан жой олган "Реал" ва "Барселона" билан рақобатлашиш қийин. Ҳакамлар бизни ҳурмат қилишмайди", - дея Нолитонинг сўзларидан иқтибос келтиради Marca.
