«Эвертон» яқинлашиб келаётган трансфер ойнасида Аллан билан хайрлашишни режалаштирмоқда. Клуб раҳбариятини бразилияликнинг формаси қониқтирмаяпти. Бу ҳақда Британия ОАВлари хабар бермоқда.
Қайд этилишича, футболчи шу ёзда жамоани тарк этиши мумкин. Футболчининг трансфер нархи 18 миллион еврога баҳоланмоқда.
Аллан «Эвертон»га 2020 йилнинг сентябрида келиб қўшилган. Премьер-лиганинг жорий мавсумида у 23 та ўйинда майдонга тушиб, иккита голга ассистентлик қилган. 31 ёшли бразилияликнинг клуб билан шартномаси 2023 йилнинг 30 июнига қадар мўлжалланган.
