17 ёшгача бўлган дунёдаги энг иқтидорли 16 нафар футболчи ҳақида маълумот беришга қарор қилдик. Қуйида тўлиқ рўйхат билан танишишингиз мумкин. Маълумот ўрнида, рейтинг Transfermarkt томонидан тузилган.
17 ёшгача бўлган дунёнинг энг қиммат 16 нафар футболчиси:
14-16. Сергей Пиняев (Россия / «Крилья Советов»), Жакил Маршалл-Ратти (Канада / «Торонто»), Антонио Нуса (Норвегия / «Брюгге») – € 1,5 млн
17 ёшгача бўлган ўйинчилардан яна кимнинг нархи бир хил ёки ундан юқори? 14-16-ўринларни Пиняев, Жакил Маршалл-Ратти ва Антонио Нуса бўлишиб турибди. Маршалл-Ратти канадалик бўлиб, «Торонто»нинг қанот ҳимоячиси ҳисобланади. Жакил Америка чемпионатида ҳозиргача 16 ўйин ўтказиб, битта голли узатмани амалга оширган. Антонио Нуса норвегиялик футболчи ҳисобланади. Аммо унинг асли келиб чиқиши нигериялик ҳисобланади. Нуса қанот ҳужумчиси сифатида ўйнайди. Йигитча Норвегия чемпионатида ўзини яхши кўрсатди (13 ўйинда учта гол урди) ва «Брюгге»га 3 миллион евро эвазига кўчиб ўтди. Пиняев «Крилья Советов»)да ҳужумчи позициясида ўйнайди. У ҳозиргача клуби сафида 20 та ўйинда майдонга тушиб, 1 гол муаллифига айланган.
13. Николас Сири (Уругвай / «Монтевидео») — € 1,6 млн
Уругвайлик Николас Сири 1,6 миллион евродан бироз каттароқ суммага баҳоланган. У ҳужумчи сифатида ўйнайди ва ўтган ёзда «Данубио»дан «Монтевидео Сити»га 3,1 миллион евро эвазига кўчиб ўтди. У «Бостон Ривер» билан ўйинда 3 та гол урди ва профессионал даражада хет-трик қайд этган энг ёш футболчига айланди. 3 та гол уриш орқали Николас Диего Марадона ва Пеленинг Жанубий рекордларини янгилади.
9-12. Пьер Двомо (Бельгия / «Антверпен»), Зидан Сертдемир (Дания / «Байер-04»), Матис Тель (Франция / «Ренн»), Пауль Ваннер (Германия / «Бавария») — € 2 млн
Кейинги ўринлардан 2 миллион евролик футболчилар рўйхати жой олди. Бу таркибида Пьер Двомо, Зидан Сертдемир, Матис Тель ва Пауль Ваннер каби футболчилар бор. Двомо марказий ярим ҳимоячи сифатида ўйнайди. 2021 йил август ойида «Антверпен» уни «Генк»дан атиги 2 миллион еврога сотиб олди. Пьер аллақачон бу жамоа сафида 12та ўйин ўтказган ва битта голли узатмани амалга оширган.
Сертдемир исми тахмин қилганингиздек, Зинедин Зидан номига атаб қўйилган. Даниялик футболчи майдон марказида ўйнайди. Бир йил олдин йигит Германияга жўнаб кетди: «Байер» Сертдемирни 2,5 миллион еврога сотиб олди. У аллақачон Леверкузеннинг асосий жамоаси сафида учта ўйин ўтказган ва клуб тарихидаги энг ёш дебютантга айланди.
Матис Тель эндигина 16 ёшда. Қанот ҳужумчиси «Ренн» сафида саккизта ўйинда майдонга тушди, аммо ҳозирча гол ура олмади. У жамоаси тарихидаги энг ёш дебютант - Эдуардо Камавинга рекордини янгилади.
«Бавария» футболчиси Ваннер ҳам бор-йўғи 16 ёшда. Йигитча бу мавсум немис топ-клуби сафида тўртта ўйин ўтказди. Пауль Австрияда туғилган бўлиб, унинг отаси Клаус Австриянинг «Лустенау» жамоасида тўп тепган.
8. Илиас Акомах (Испания / «Барселона») – € 3 млн
Мухлисларга яхши бўлган «Барселона» футболчиси Илиас Акомахнинг нархи 3 миллион еврога баҳоланмоқда. Асли марокашлик бўлган испаниялик футболчи жорий мавсум каталонияликлар сафида учта ўйинда майдонга тушди. Аммо 17 ёшли вингер на гол урган, на голли узатма берган.
7. Рожер Фернандеш (Португалия / «Брага») – € 4 млн
Топ-7ликдан португалиялик Рожер Фернандеш жой олди. Унинг тахминий нархи 4 миллион еврога тенг. «Брага» клуби вингери 16 ёшда бўлиб, Гвинея-Бисауда туғилган. Футболчи португал клуби асосий таркибда 10 та ўйин ўтказиб, 3 та гол урган. Португалияликлар ўйинчиларни қандай сотишни ҳисобга олсак, Фернандеш яқин орада Англия ёки Испанияда катта пул эвазига трансфер қилиниши мумкин.
4-6. Андреас Шельдеруп (Норвегия / «Норшелланн»), Ноа Мбамба (Бельгия / «Брюгге»), Савио (Бразилия / «Атлетико Минейро») – € 5 млн
Яна учта иқтидорли футболчининг ҳар бири 5 миллион евродан туради. Уларнинг исмлари Андреас Шельдеруп, Ноа Мбамба ва Савио. Бу трионинг биринчиси норвегиялик, унинг майдондаги роли ҳужумкор ярим ҳимоячи ҳисобланади. Шельдеруп эса Даниянинг «Норшелланн» клуби шарафини ҳимоя қилади. У мазкур клуб сафида 36 ўйин ўтказиб, олти гол ва тўртта голли узатма амалга оширган.
Мбамба - Бельгия футболининг яна бир маҳсули. Таянч ярим ҳимоячи «Брюгге» сафида тўп тепади. Унинг ҳисобида 22 та ўйин ўтказган бўлиб, Чемпионлар лигасида ҳам учта ўйин ўтказишга улгурган.
Савио - бразилиялик вингер. У ҳозирча «Атлетико Минейро» футболчиси ҳисобланса-да, тез орада 6,5 миллион евро эвазига «Манчестер Сити»га ўтади(қўшимча 6 миллион евро бонуслар). Қизиғи шундаки, Савио «Атлетико Минейро» таркибида 23 та ўйинда на гол урган, на голли узатмани амалга оширган, аммо инглиз клуби скаутлари вингернинг келажаги буюк бўлишига ишонишмоқда.
3. Анжело Габриэл (Бразилия / «Сантос») – € 10 млн
Ниҳоят дунёдаги энг қиммат 3 нафар ўсмирин футболчисига ҳам келдик. Учинчи ўриндан «Сантос»нинг бразилиялик вингери Анжело Габриэл жой олди. Дунёга Пеле ва Неймар каби топ даражадаги футболчиларни етиштириб берган клуб, яна бир янги юлдуз Габриэлни дунёга танитмоқда. Анжело клуб сафида аллақачон 62 та ўйин ўтказган бўлиб, 2 гол ва 2 ассистни ўз ҳисобига ёздириб қўйган. Қанот футболчиси 10 миллион еврога баҳоланмоқда. Таъкидланишича, «Барселона» бразилияликни сотиб олиши мумкин бўлган клублар рўйхатида етакчи бўлиб турибди.
2. Юссуф Мукоко (Германия/«Боруссия Д») – € 15 млн
Рейтингнинг иккинчи поғонасидан Дортмунднинг «Боруссия» клуби футболчиси Юссуф Мукоко жой олди. Камерунда туғилган немис футболчисининг нархи 15 миллион еврога баҳоланади. Ҳужумчи 12 ёшида U-17 жамоаси сафида хет-трик қайд этган, ҳамда U-17 Чемпионлар Лигасидаги энг ёш гол муаллифи ва Бундеслига тарихидаги энг яхши ёш футболчига айланди. Қолаверса, 2020 йилнинг қишида «Зенит»га қарши ўйинда захирадан майдонга тушиб, Чемпионлар лигаси тарихидаги энг ёш футболчига айланганди. Аммо ҳозирча Юсуф «Боруссия»да унчалик омадли ўйнамаяпти. У клуб сафида 32та ўйинда майдонга тушиБ 4 гол ва 2 ассист муаллифига айланган.
1. Гави (Испания/«Барселона») – € 60 млн
«Барселона» ярим ҳимоячиси Гави рўйхатда етакчилик қилмоқда. Ҳеч кимга уни таништиришга ҳожат йўқ. 17 ёшли испаниялик футболчи Каталония жамоасида 35 та (иккита гол ва бешта голли узатма) ва Испания асосий жамоасида бешта ўйинда майдонга тушган. «Барса» ўз футболчисининг 2023 йилнинг ёзида тугайдиган шартномасини узайтирмоқчи, аммо бу унчалик осон эмас, чунки Гавида бошқа жуда фойдали таклифлар ҳам бор. Испаниялик футболчи 60 миллион еврога баҳоланган.
