«ПСЖ» ва «Челси» «Барселона» ҳужумчиси Дембеле атрофидаги вазиятни кузатишда давом этади.

Унинг Каталония клуби билан шартномаси июнь ойида ниҳоясига етади. Бош мураббий Хави футболчи билан ҳамкорликни давом эттиришдан манфаатдор, аммо унинг келажаги аввалгидек шубҳа остида.

90min хабарига кўра, «ПСЖ» ва «Челси» французни ўз режаларига киритган. Агар у «Барселона» билан янги шартнома борасида келиша олмаса, айнан шу клублар 24 ёшли футболчини қўлга киритиш учун асосий даъвогарга айланади.

Усмон Дембеле 2021/22 йилги мавсумда «Барселона» сафида 21 та ўйинда майдонга тушиб, 9 та голли узатма ва 2 та голга муаллифлик қилган.