Польша президенти Бронислав Коморовский ўтказилиши кутилаётган EURO-2012 мусоақалари олдидан Днепропетровскда юз берган портлашлардан хавотирда эканини маълум қилган.
"Бу машъум ҳодисалар хавотир пайдо қилмоқда ҳамда жабрланганлар ва бутун украин халқига ҳамдардлик келтириб чиқармоқда. Украинада рўй берган бундай ҳодисалар йирик спорт анжумани олдидан вазиятни янада чигаллаштиради. Мен буни Европа чемпионатини бузиш сифатида бҳоламоқдаман", — дея Коморовский сўзларини келтирмоқда "Интерфакс".
Эслатиб ўтамиз, жума куни Днепропетровскда 4 та портлаш рўй берди ва бунинг натижасида 29 киши жабрланган ва 26 киши шифохоналарга ётқизилган.
