Мадриднинг "Реал" клуби ҳужумчиси Гонсало Игуаиннинг агенти Норберто Качо яқин кунларда клуб вакиллари билан учрашишни ният қилган, деб хабар бермоқда испан оммавий ахборот воситалари.
Качо "қаймоқранглилар" таркибида етарли ўйин амалиётига эга бўлмаётган мижозининг келажаги ҳақида суҳбатлашиб олмоқчи. Футболчининг позицияси ягона: агар у кейинги мавсумда ҳам Карим Бенземанинг соясида қолиб кетадиган бўлса, унинг келажаги "Сантьяго Бернабеу" стадион билан боғлиқ бўлмаслиги керак.
Қайд этиш жоизки, Игуаинга бошқа таклифлар жуда кўп. Унинг хизматларидан фрйдаланиш истагида бўлган клублар орасида Лондоннинг "Челси"си, Миланнинг "Интер"и ва французларнинг "Лион" ва "ПСЖ" каби клублари бор. Сўнгги вақтларда улар сирасига Туриннинг "Ювентус"и ҳам қўшилган.
