Испаниянинг таниқли нашрларидан бирининг хабар беришича, Мадриднинг "Реал" клуби ёзда Гонсало Игуаинни сотиб юборишга қарши эмас.
Бугун Игуаннинг агенти Норберто Рекасенс жамоа раҳбаияти билан кўришиб, футболчининг келажаги ҳусусида суҳбатлашиши кўзда тутилган. Аммо тасдиқланмаган маълумотларга кўра, "Реал" футболчини трансферга қўйиш масаласини аллақачон ҳал қилиб қўйган.
Агар футболчи ва клуб янги шартнома борасида келишувга эриша олмасалар, ёзда Игуаин жамоани тарк этади.
Уни сотиб олиш учун эса, европанинг бир қатор гранд клублари сафда туришибди.
Италиянинг "Интер" ҳамда Франциянинг "ПСЖ" клублари футболчини ўз сафида кўриш учун Мадрид клуби вакиллари билан учрашишга тайёрлар.
Шунингдек Франциянинг бошқа бир жамоаси "Лион", ҳамда Лондоннинг "Челси" клублари ҳам аргентиналик ҳужумчи билан жиддий равишда қизиқмоқдалар.
