«Вильярреал» бош мураббийи Унаи Эмери Чемпионлар лигаси доирасида «Бавария» клубига қарши бўлиб ўтадиган ўйиндан олдинги фикрлари билан ўртоқлашди.

«Бавария» «Ювентус»дан жуда катта фарқ қилади. Албатта, бу ҳам жуда кучли жамоа, Чемпионлар лигаси учун яна бир давогар, аммо «Бавария» бошқача ўйнайди. Табиийки, бу ўйинлардаги тактикамиз ҳам бошқача бўлади. Аммо бу ҳаммага ёқадиган, барчани рағбатлантирадиган ва ўзига тортадиган ўйин бўлади. Қолаверса, бу икки хил мамлакатларга хос бўлган услублар ва фалсафалар рақобати.

Лекин энг муҳими, «Арсенал», «Манчестер Юнайтед», «Челси», «Аталанта» ёки «Ювентус»га қарши ўйнасангиз, ҳар доим ғалаба қозониш имконияти бўлади. Ҳозир «Бавария» билан курашиш бизга тушди. Бизда жанговар тайёр жамоа бор ва бизда ғалаба қозониш имконияти бор" - деди Эмери УЕФА расмий сайтига.

Чемпионлар лигасининг 1/4 финалидан ўрин олган «Вильярреал» – «Бавария» учрашуви 6 апрель куни бўлиб ўтади. Учрашув Тошкент вақти билан соат 00.00да бошланади.