"Ливерпуль" клуби бош мураббийи Юрген Клопп ЕЧЛнинг 1/4 финал дастлабки учрашуви доирасида "Бенфика" жамоасига қарши бўлиб ўтадиган дастлабки учрашув олдидан ўз фикрларини билдирди.

"Бизга иштиёқ, психологик барқарорлик ва азарт керак. Уларни сотиб олиб бўлмайди. Футболчи, мураббий ва жамоа сифатида ривожланиш керак. Вақт ўтиши билан нарсаларни хотиржамроқ баҳолай бошлайсиз. Бу тажриба. Олдинлари ҳисоб 1:0 бўлганида ҳам ақлдан озгандек югуришда давом этардик. Мен футболчиларим тўғри фикр юритишларини истайман.

Ҳаммамиз биламизки, битта муваффақиятсизлик, битта хатолик билан ҳаммаси тугаши мумкин. Лекин биз учун бу муаммо эмас, биз янги чақирувга тайёрмиз.

Қандай қилиб биз энг яхши ўйин кўрсатишимиз ҳақида ўйлаяпман. Бу барча ўйинларимиз учун режа. Биз ўсишимиз керак, мақсадимиз сари интилишимиз керак. «Бенфика» ўз лигасида эгаллаб турган ўринига муносаб эмас, улар кучли жамоа" - деди Клопп УЕФА расмий сайтига.