"Манчестер Сити" клуби бош мураббийи Пеп Гвардиола ЕЧЛнинг 1/4 финал дастлабки учрашуви доирасида "Атлетико" жамоасига қарши бўлиб ўтадиган дастлабки учрашув олдидан ўз фикрларини билдирди.
"Мавсумнинг ушбу босқичида бўлиш жуда қувончли ва ёқимли. Апрель-май ойларида ҳар мавсумда биз совринлар учун курашамиз ва бунинг сабаби, биз аввал яхши иш қилганмиз. Бошқа томондан, мавсумнинг ушбу босқичида бир нечта ёмон натижалар совринсиз қолдириши аниқ.
Одамлар Диего Симеоне жамоасининг ўйинига унчалик тўғри баҳо беришмаяпти. У одатдагидан кўра кўпроқ ҳужумкор. Симеоне ҳужумлар уюштиришда таваккалчиликдан қочишга интилади, аммо унинг жамоаси рақиб дарвозаси олдида жуда яхши ўйнайди. Уларнинг ўйини учрашув қандай ўтишига боғлиқ. Улар керакли вақтда қандай ўйнашни билишади" - деди Гвардиола УЕФА расмий сайтига.
