«Алавес» бош мураббийи Хосе Луис Мендилибар истеъфога чиқарилди.
61 ёшли мутахассис жамоани 2021 йилнинг декабрь ойи охиридан бери бошқариб келмоқда. Унинг қўл остида «Алавес» 12 та ўйин ўтказган ва бу ўйинларда атиги битта ғалаба қозонган, етти учрашувда мағлуб бўлган ва тўрт марта дуранг ўйнаган.
«Мураббий ва жамоанинг саъй-ҳаракатларига қарамай, натижалар кутилмаларни оқламади», - дейилади басклар клуби баёнотида.
Маълумот учун, «Алавес» Испания чемпионати ўтган турида «Атлетико»га имкониятни бой бериб (1:4), сўнгги ўринга тушиб кетди.
