«Alaves» bosh murabbiyi Xose Luis Mendilibar iste’foga chiqarildi.

61 yoshli mutaxassis jamoani 2021 yilning dekabr oyi oxiridan beri boshqarib kelmoqda. Uning qo‘l ostida «Alaves» 12 ta o‘yin o‘tkazgan va bu o‘yinlarda atigi bitta g‘alaba qozongan, yetti uchrashuvda mag‘lub bo‘lgan va to‘rt marta durang o‘ynagan.

«Murabbiy va jamoaning sa’y-harakatlariga qaramay, natijalar kutilmalarni oqlamadi», - deyiladi basklar klubi bayonotida.

Ma’lumot uchun, «Alaves» Ispaniya chempionati o‘tgan turida «Atletiko»ga imkoniyatni boy berib (1:4), so‘nggi o‘ringa tushib ketdi.