Мадриднинг "Реал" клуби дарвозабони Тибо Куртуа ЕЧЛ 1/4 финалидан ўрин олган "Челси"га қарши ўйин ҳақида фикр билдирди.
“Кўплаб совринларни қўлга киритдим, аммо клублар ўртасидаги энг йирик мусобақа Чемпионлар лигасида ҳали ғалаба қозона олмадим. Албатта, бу мен учун алоҳида воқеа бўларди. Фаолиятим якунланишига ҳали вақт бор. Орзуимга эришмоқчиман.
Умид қиламанки, "Стэмфорд Бриж"га қайтиш бахтли воқеа бўлади. "Челси" ғалаба қозонишни истайди, мен ҳам, шунинг учун клуб мухлислари олқишларини кутмайман. Аммо умид қиламанки, улар хуштакбозлик ҳам қилмайди, яна ким билади. Мен ҳамма нарсага тайёр бўлишим керак.
Томошабинлар стадионларга киришга рухсат берилганидан кейин қайтаётганимдан хурсандман, чунки ўтган йили биз бўш трибуналар олдида ўйнагандик”, — деди Куртуа УЕФА расмий сайтига берган интервьюсида.
