Туриннинг "Ювентус" клуби яқинлашиб келаётган трансфер ойнасидаги асосий трансфер мақсадини аниқлаб олди. Бу "Рома" вингери Николо Дзаньоло бўлади.
Италиялик журналист Николо Скиранинг ёзишича, "кекса синьора" футболчининг агенти билан икки марта музокара олиб борган. Трансфер Дзаньолонинг "Рома" билан шартномани июнгача узайтирадими ёки йўқлигига боғлиқ. Агар бу амалга ошмаса, у катта эҳтимол билан Массимилиано Аллегри жамоасига қўшилади.
Италиялик жорий мавсумда “Рома” сафида 33 ўйинда 4 та гол ва 7 та голли узатмани амалга оширди.
