"Рома" ҳужумчиси Темми Абрахам ўзи билан боғлиқ миш-мишларга муносабат билдирди. У ўз интервьюсида шундай дейди:
"Мен ўзимнинг бошқа клубларга ўтишим мумкинлиги ҳақидаги хабарларни ўқиб, хурсанд бўламан. Чунки айнан мана шу нарса сизнинг тўғри йўлда эканингизни кўрсатади. Ўз исмингизни кўплаб газета-журналларда кўриш инсонга завқ бағишлайди. Аммо мен ўз йўлимда, клуб манфаатлари йўлида ҳаракат қилишни давом эттираман. Келажакда нима бўлишини айта олмайман".
Абрахам бу мавсумда жами 41 та ўйинда майдонга тушган ва 23 та голга муаллифлик қилган.
