"Roma" hujumchisi Temmi Abraxam o‘zi bilan bog‘liq mish-mishlarga munosabat bildirdi. U o‘z intervyusida shunday deydi:
"Men o‘zimning boshqa klublarga o‘tishim mumkinligi haqidagi xabarlarni o‘qib, xursand bo‘laman. Chunki aynan mana shu narsa sizning to‘g‘ri yo‘lda ekaningizni ko‘rsatadi. O‘z ismingizni ko‘plab gazeta-jurnallarda ko‘rish insonga zavq bag‘ishlaydi. Ammo men o‘z yo‘limda, klub manfaatlari yo‘lida harakat qilishni davom ettiraman. Kelajakda nima bo‘lishini ayta olmayman".
Abraxam bu mavsumda jami 41 ta o‘yinda maydonga tushgan va 23 ta golga mualliflik qilgan.
