«Арсенал» бош мураббийи Микел Артета жамоа ҳимоячиси Киран Тирнининг жароҳати ҳақида фикр билдирди.

«Эртага Тирни мутахассис билан учрашади ва биз унинг жароҳати ҳақида кўпроқ билиб оламиз. Қайталанишга шубҳа бор. Сканерлаш ҳам далда бермади, аммо биз кутишимиз керак», - деди Артета «Арсенал» матбуот хизматига.

Эслатиб ўтамиз, АПЛнинг 31-тур доирасидаги ўйинда «канонирлар» сафарда «Кристал Пэлас»га имкониятни бой беришди (0:3). Тирни бу ўйинда иштирок этмади.

24 ёшли шотландиялик футболчи жорий мавсумда АПЛда 22 та ўйинда майдонга тушиб, 1 та гол ва 3 та голли узатмага муаллифлик қилган.