“Манчестер Юнайтед” бош мураббийи Ральф Рангник Германиянинг “Лейпциг” клуби ярим ҳимоячиси Конрад Лаймерга мухлислик қилади ва футболчини клуб раҳбариятига ёзги трансфер ойнасида сотиб олишни тавсия қилиши мумкин. Бу ҳақда Bild хабар бермоқда.

Манба берган хабарга кўра, германиялик мутахассис 24 ёшли футболчи кейинги мавсумда жамоа маслаҳатчисига айланганида уни инглиз клубига тавсия қилиши мумкин.

Лаймер" ва "буқалар" ўртасидаги келишув 2023 йилда тугайди. Немис клуби ҳозирча ўз футболчисига янги шартнома таклиф қилгани йўқ.

Жорий мавсумда Германия Бундеслигасида 20 та ўйинда Лаймер 4 та гол урди ва 3 та голли узатмани амалга оширди. Transfermarkt австриялик футболчининг бозор нархини 26 миллион еврога баҳолаган.