«Кристал Пэлас» вингери Уилфрид Заа ёзда бошқа клубга ўтиши мумкин.

29 ёшли вингернинг шартномаси келаси йил ёзида тугайди, Лондон клуби эса ёш Майкл Олисе ва Эберечи Эзе тажрибали ивуарлик футболчининг ўрнини боса олишига ишонмоқда.

Шундай экан, «Кристал Пэлас» раҳбарлари бир йилдан сўнг уни текинга йўқотиш хавфидан кўра, бу ёзда бошқа клублардан Заа бўйича таклифларни тинглашга тайёр бўлади.

Уилфрид Заа Англия Премьер-лигасида жорий мавсумда «бургутлар» сафида 10 та гол урди. Умуман олганда, у клуб учун барча мусобақалар доирасида 421 та ўйин ўтказиб, 79 та гол урган.