«Kristal Pelas» vingeri Uilfrid Zaa yozda boshqa klubga o‘tishi mumkin.
29 yoshli vingerning shartnomasi kelasi yil yozida tugaydi, London klubi esa yosh Maykl Olise va Eberechi Eze tajribali ivuarlik futbolchining o‘rnini bosa olishiga ishonmoqda.
Shunday ekan, «Kristal Pelas» rahbarlari bir yildan so‘ng uni tekinga yo‘qotish xavfidan ko‘ra, bu yozda boshqa klublardan Zaa bo‘yicha takliflarni tinglashga tayyor bo‘ladi.
Uilfrid Zaa Angliya Premyer-ligasida joriy mavsumda «burgutlar» safida 10 ta gol urdi. Umuman olganda, u klub uchun barcha musobaqalar doirasida 421 ta o‘yin o‘tkazib, 79 ta gol urgan.
